ယနေ့ကတော့ မဟာသင်္ကြန် ပထမအကြတ်နေ့ပါပဲ
ဒီကနေ့တော့ သင်္ကြန် အကြောင်းပြောရမှာထက်
မီးလောင်တဲ့အကြောင်းပဲ ပြောချင်ပါတော့တယ်
မနက် ၅နာရီ၁၀မိနစ်လောက်မှာပဲ
မီး မီးဆိုတဲ့ အသံကြားရပါတယ်
အိပ်ရာထဲကနေ ထပြီး အိမ်ရှေ့လဲ ရောက်ရော
အိမ်နောက်ဘက် အပေါ်ကနေ မီးတောက်တွေ အလျှံငြီးငြီးတောက်လောင်နေပါတော့တယ်
အဲဒါနဲ့ လမ်းမပေါ် ပြေးထွက်ကြည့်တော့
ကျွန်တော်တို့အိမ်ရဲ့ တောင်ဘက် တစ်ပြအကွာမှာ လောင်နေတာပါ
လေကတော့ မြောက်ဘက်ကို တိုက်နေလေရဲ့
အားလုံးကတော့ အထုပ်တွေဆွဲလို့ ပြေးကြလွှားကြ
ကိုယ့်မှာတော့ ရထားတဲ့ ဟိုလက်မှတ် ဒီလက်မှတ်တွေ ဘယ်နားထားမိမှန်းမသိလို့ လိုက်ရာ . .
အိကီ င်္ျလေး ထည့်ရမလို
ဟိုဟာထည့်ရမလို
ဟိုပစ္စည်းဖြုတ်ရမလိုနဲ့
ပထမဆုံး ဘုရားစင်က မိဘ ဘိုးဘေး အစဉ်အဆက် ကိုးကွယ်ခဲ့တဲ့ ဘုရားကို ပင့်လို့ အမေ့ကိုပေးပြီ
အမေ့ကို မီးလွတ်ရာပို့
နောက်တော့ ပစ္စည်းတွေကို တစ်ခုပြီး တစ်ခု ထည့်
ပျာယာခတ်လို့ပေါ့
ဒီလိုကနေပြီးတော့မှ
အစီအစဉ်လဲကျရော
မီးက ငြိမ်းလို့ နိုင်သွားပါတယ် . .
အဲဒီတော့မှာ အိမ်ကို သေချာမှာပြီး မီးလောင်တဲ့ဆီကို ပြေးပြီး စပ်စုရတယ်
အိမ်ခြေ၇အိမ်ပါသွားပါတယ်။
မန္တလေးရဲ့ ညဈေးတစ်ခုဖြစ်တဲ့
ရှမ်းဈေးလို့လဲ ခေါ်ကြတဲ့ ၃၄ လမ်း၊ ၇၆လမ်းထောင့်နားမှာလောင်တာပါ
အရင်တစ်နှစ် သင်္ကြန် အကြိုနေ့မတိုင်မီ တစ်ရက်ညမှာလဲ အဲဒီလမ်း မှာ လောင်ခဲ့ဖူးပါသေးတယ်
အခု ဒီနှစ်လဲ လောင်တော့ . . .
မီးသတ်ကား ၃၅စီး၊ မီးသတ် ၅၀၀ခန့် ၀ိုင်းဝန်း ငြိမ်းသတ်လို့
အဲဒီလောက်နဲ့ မီးရပ်သွားတယ်လို့ သိရပါတယ်။
ကျွန်တော် ၅း၄၀လောက်ရောက်တာတောင်
တိုက်ထဲမှာ လောင်နေတာကို ငြိမ်းတာ မငြိမ်းသေးပါဘူး
မီးနိုင်တာပဲရှိပါတယ်။
အဲဒီလို အခြေအနေနဲ့ဆိုတော့
မဟာသင်္ကြန် အကြတ်နေ့ကတော့
အိပ်ယာထဲမှာ ပြန်အိပ်တာနဲ့ အချိန်ကုန်ပါရော . . .
ညနေပိုင်းမှ ထပြီး ရပ်ကွက်ထဲ ကလေးတွေ ရေပက်တာ ဓာတ်ပုံလိုက်ရိုက်ဖြစ်လိုက်ပါသေးတယ်
မနက်ဖြန်ကျမှပဲ
စောစောထလို့ တစ်ပတ်လောက် ပတ်လိုက်ပါဦးမယ်
ညပိုင်းလဲ မြို့တော်ဝန်မဟာသင်္ကြန်မဏ္ဍပ်သွားလို့ ဖျော်ဖြေမှုတွေကို ဓာတ်ပုံရိုက်ဦးမှပါပဲ
ဒီနှစ်သင်္ကြန်လဲ အမှတ်တရပါပဲလေ . . .
No comments:
Post a Comment