အရှေ့တောင်အာရှတွင်အကြီးဆုံးသော Samsung Iconic Customer Service Plaza အား မြန်မာနိုင်ငံတွင်ဖွင့်လှစ်

အရှေ့တောင်အာရှတွင်အကြီးဆုံးသော Samsung Iconic Customer Service Plaza အား မြန်မာနိုင်ငံတွင်ဖွင့်လှစ်

Samsung သုံးစွဲသူများအား ဖော်ရွေပျူငှာသော ဝန်ထမ်းများနှင့် ကျွမ်းကျင်ပညာရှင်အင်ဂျင်နီယာများမှ အကောင်းဆုံးဝန်ဆောင်မှုများပေးမည်။

ရန်ကုန်၊ မြန်မာ - ဇွန်လ ၂၂ ရက်၊ ၂၀၁၇ ခုနှစ် - Samsung Myanmar မှ Samsung ချစ်သူ သုံးစွဲသူများအား Samsung ထုတ်ကုန်ပစ္စည်းများနှင့် ပတ်သက်၍ ဝန်ဆောင်မှုပေးစွမ်းနိုင်ရုံသာမက ထုတ်ကုန်ပစ္စည်းများအား လက်တွေ့ကြည့်ရှုလေ့လာစမ်းသပ်နိုင်သော အရှေ့တောင်အာရှတွင် အကြီးဆုံးဖြစ်သည့် Iconic Customer Service Plaza အား မြန်မာနိုင်ငံတွင် စတင်ဖွင့်လှစ်လိုက်ပြီဖြစ်ကြောင်း ယနေ့ သတင်းထုတ်ပြန်ကြေညာလိုက်သည်။ အဆိုပါ ဝန်ဆောင်မှုပလာဇာ Iconic Customer Service Plaza သည် မြန်မာပလာဇာ ကုန်တိုက်အနီး ကမ္ဘာအေးဘုရားလမ်းမပေါ်တွင်တည်ရှိသည်။

Iconic CSP အား ပင်မအဆောက်အဦတစ်ခု အပါအဝင် အဆောက်အဦအသေး နှစ်ခု ဖြင့် ဖွဲ့စည်းတည်ဆောက်ထားသည်။ ပင်မအဆောက်အဦ၏ အရှေ့ဘက်တွင် မိုဘိုင်းဖုန်းနှင့်ဆက်စပ်ပစ္စည်းများ၊ လူသုံးကုန်လျှပ်စစ်ပစ္စည်းများအား လက်တွေ့ကြည့်ရှုလေ့လာနိုင်ရန် ထားရှိထားပြီး ပြင်ဆင်မှုဆိုင်ရာ Face-to-Face Repair ကောင်တာများ နှင့် သုံးစွဲသူများ စောင့်ဆိုင်းနိုင်စေရန် ထိုင်ခုံနေရာများလည်းစီစဉ်ပေးထားသည်။ ပင်မအဆောက်အဦ၏ အနောက်ဘက်တွင် မိုဘိုင်းဖုန်းနှင့်ဆက်စပ်ပစ္စည်းများ ပြုပြင်သည့်နေရာနှင့် ကိရိယာအပိုပစ္စည်းများထားရှိသည့် အခန်းတို့အားထည့်သွင်းထားသည်။ တီဗွီ၊ ရေခဲသေတ္တာ၊ အဝတ်လျှော်စက် အစရှိသည့် ကြီးမားသော လျှပ်စစ်အိမ်သုံးပစ္စည်းများအား အလွယ်တကူသယ်ယူပြီး ပြင်ဆင်နိုင်ရန်အတွက် တွဲလျက်အဆောင်အဦအသေးတွင် ထုတ်ကုန်များ ပြုပြင်သည့်အခန်းနှင့် သုံးစွဲသူများ စောင့်ဆိုင်နိုင်မည့် နေရာများလည်း ထပ်မံထည့်သွင်းထားသည်။

“သုံးစွဲသူတွေရဲ့ ဝန်ဆောင်မှုနဲ့ပတ်သက်တဲ့ လိုအပ်ချက်တွေကို Samsung ရဲ့ ကျွမ်းကျင်ဝန်ထမ်းတွေနဲ့အတူ အရည်အသွေးမြင့်ဝန်ဆောင်မှုတွေ ပိုမိုပေးစွမ်းနိုင်ဖို့အတွက် ဒီ Iconic CSP ကိုဖွင့်လှစ်တာဖြစ်ပါတယ်။” ဟု Samsung Myanmar ၏ Head of IT and Mobile ကိုဇာနည်ဝင်းထက်မှပြောကြားခဲ့သည်။

အဆိုပါ Iconic CSP တွင် Samsung မှ ရောင်းချထားသော ပစ္စည်းများအားလုံးကို အဆင်ပြေလွယ်ကူစွာ သွားရောက်ပြုပြင်နိုင်မည်ဖြစ်သည်။ စုစုပေါင်းဝန်ထမ်းအင်အား ၃၄ ဦးခန့်အပ်ထားပြီး ဧည့်ကြို ၉ ဦး၊ စက်ပိုင်းပြင်ဆင်မှုဆိုင်ရာ ကျွမ်းကျင်ပညာရှင် ၁၅ ဦး၊ စက်ပိုင်းကိရိယာအပိုပစ္စည်းများထိန်းသိမ်းသူ နှင့် ရုံးဝန်ထမ်း ၁၀ ဦးတို့ဖြင့် ဝန်ဆောင်မှုများအား ဆောင်ရွက်ပေးသွားမည်ဖြစ်သည်။ ထို့ပြင် နိုင်ငံခြားသားဧည့်သည့်များအား ဝန်ဆောင်မှုပေးနိုင်ရန် အင်္ဂလိပ် နှင့် ကိုရီးယားဘာသာစကားပြောဆိုနိုင်သည့် စက်ပိုင်းဆိုင်ရာကျွမ်းကျင်ပညာရှင်များကိုလည်း ခန့်အပ်ထားသည်။

“မိုဘိုင်းဖုန်းဆိုတာ လူတိုင်းအတွက်မရှိမဖြစ်လိုအပ်တဲ့အရာ ဖြစ်တဲ့အတွက်လည်း ပြင်ဆင်မှုပိုင်းအနေနဲ့ အချိန်တို နာရီပိုင်းအတွင်း ပြင်ဆင်ပေးနိုင်ဖို့စီစဉ်ထားပါတယ်။ တစ်ရက်udk သုံးစွဲသူ အယောက် ၂၀၀ လောက် ဝန်ဆောင်မှုပေးဖို့ခန့်မှန်းထားပါတယ်။”  ဟု ကိုဇာနည်ဝင်းထက်မှဖြည့်စွက်ပြောကြားခဲ့သည်။

တီဗွီ၊ ရေခဲသေတ္တာ၊ အဝတ်လျှော်စက်အစရှိသည့် အရွယ်အစားကြီးမားသော လူသုံးကုန်လျှပ်စစ်ပစ္စည်းများအား ပြင်ဆင်လိုသူ customer များအနေဖြင့် Iconic CSP ရှိ Call Center အားခေါ်ဆိုနိုင်ပြီး စက်ပိုင်းပြင်ဆင်မှုဆိုင်ရာ ကျွမ်းကျင်ပညာရှင်မှ လိုအပ်သော အပိုပစ္စည်းများ၊ ပြုပြင်သည့်ကိရိယာများနှင့်အတူ အိမ်တိုင်ရာရောက် ပြုပြင်ပေးသွားမည် ဖြစ်သည်။

သုံးစွဲသူများအနေဖြင့် စောင့်ဆိုင်းနေစဉ်ကာလအတွင်း ကော်ဖီ၊ မုန့် အစရှိသည်တို့အား အခမဲ့ သုံးဆောင်နိုင်ရုံသာမက သတင်းစာ၊ စာစောင်များဖတ်ရှုနိုင်ရန်လည်း စီစဉ်ပေးထားသည်။ အဆိုပါ Iconic CSP သို့လာရောက်သော customer များအနေဖြင့် ဧည့်ကြို၏ လမ်းညွှန်ချက်နှင့်အတူ ဖုန်းပြင်ဆင်ရန် စာရင်းပေးသွင်းခြင်း မှစ၍ Samsung ၏ နောက်ဆုံးပေါ်ထုတ်ကုန်များအား လက်တွေ့စမ်းသပ်နိုင်သည့်အပြင် မိုဘိုင်းဖုန်းနှင့် ဆက်စပ်ပစ္စည်းများကို လည်း ဝယ်ယူခြင်းအထိ ဖော်ရွေသော ဝန်ထမ်းများ၏ ဝန်ဆောင်မှုအား အပြည့်အဝရရှိမည်ဖြစ်သည်။