တည်ရှိပါတယ်။ ၀ါကင်းကုန်းဆရာတော်လို့ အမည်ကျော်ကြားသော ဆရာတော် ဘဒ္ဒန္တ
တိက္ခ (အဂ္ဂမဟာပဏ္ဍိတ) ဦးဆောင်တော်မူပြီး ဥက္ကဋ္ဌ အဖြစ် ဦးလှဝင်းက
ဆောင်ရွက်တာဝန်ယူပါတယ်။
ဗုဒ္ဓဘာသာကို တောင်တန်းဒေသများမှာ ပြန့်ပွားရေးအတွက် အထူးကြိုးစားဆောင်ရွက်နေတယ်လို့
သိရပါတယ်။
အထူးသဖြင့် လူသူအရောက်အပေါက်နည်းပါးတဲ့ ချင်းတောင်တန်း၊
နာဂတောင်တန်းများကို အဓိက ထားနေပါတယ်။
မန္တလေးမြို့မှာ ဖွင့်လှစ်ထားရှိတဲ့ ပရိယတ္တိသာသနာ့တက္ကသိုလ်မှာ
တက်ရောက်ပညာသင်ကြားနေတဲ့
ရဟန်းတော်များအနေနဲ့ ဘွဲ့ရရှိရေးအတွက် တောင်တန်းဒေသများမှာ သာသနာပြု နှစ်
နှစ် ကြွရပါတယ်။ ဒီလို ကြွရာမှာ ယခင်ကတော့ တောင်တန်းဒေသ
တိုင်းရင်းသားများအနေနဲ့ အယူဝါဒ ကွဲပြားမှု၊ ရဟန်းသံဃာတော်များ
ဖူးမြင်ဖူးခြင်းမရှိတာကြောင့် အလွန်ပဲ ခက်ခဲပင်ပန်းကြပြီး
အသက်အန္တရာယ်အထိတောင် ရှိခဲ့တယ်လို့ ဆရာတော်က မိန့်ကြားပါတယ်။
အခု အချိန်မှာတော့ သာသနာပြုပုဂ္ဂိုလ်များရဲ့ အစွမ်းနဲ့အတန်ငယ် အဆင်ပြေလျက်ရှိပါတယ်။
ဥက္ကဋ္ဌကြီးပြောပြတဲ့အကြောင်းအရာတစ်ခုကို ဖောက်သည်ချချင်ပါတယ်။
ဒါကတော့
တောင်တန်းသာသနာပြု ဆရာတော်တစ်ပါးရဲ့ အတွေ့အကြုံပေါ့ဗျာ
တောင်ပေါ်လူမျိုးစု ရွာတစ်ရွာမှာ အဲဒီဆရာတော်က သာသနာပြုပါတယ်။
တောင်ပေါ်ဆိုတော့ တီဗီဆိုတာ မကြည့်ရပါဘူး
ဆရာတော်က စဉ်းစားမိတယ်
တီဗီပြရင် တိုင်းရင်းသားတွေ တီဗီကို စိတ်ဝင်စားမယ်ပေါ့
တကယ်တမ်းပြောရရင်တော့ နယ်စပ်က တိုင်းရင်းသားကလေးများ
မြို့ပေါ်က ကလေးလိုတော့ ဘယ်ယဉ်ကျေးမလဲ
ယဉ်ကျေးမှုဆိုင်ရာလေးတွေလဲ သင်ပေးချင်တယ်ပေါ့လေ
ဒါနဲ့ ဥက္ကဋ္ဌကြီးဆီမှာ တီဗီ အလှူခံပါတယ်။
နောက် ဆရာတော့် ဒကာ တစ်ဦးထံက ဒီဗီဒီ အလှူခံလို့
တောင်ပေါ်မှာ တီဗီပြပါတော့တယ်။
ပထမတော့ ကလေးတွေ တီဗီကြည့်ချင်တယ်ပေါ့
ဒီတော့ ဆရာတော်က ဒီစာကျက်၊ ဒီဟာဆိုပေါ့
ဒီလိုနေ၊ ဒီလိုစားပေါ့
သင်ပေးချင်တာကို ဇာတ်ကားပြပြီး လုပ်ခိုင်းရတယ်
ဘာသာရေး အယူဝါဒကို သင်တာထက်
လူနေထိုင်မှုကို အရင်ပြင်ပါတယ်တဲ့
အဲဒီကမှ လူကြီးတွေကပါ စိတ်ဝင်စားတော့
အခုဆို တစ်ရွာလုံး ဆရာတော်နဲ့ အဆင်ပြေနေပြီတဲ့
ဒါက စည်းရုံးရေးအောင်မြင်တဲ့သဘောလေးပါ။
အခု စီစဉ်ထားတာကတော့
တောင်တန်းဒေသရှိ သာသနာပြုကျောင်းများကို ကထိန်ခင်းမယ့်အစီအစဉ်ပဲဖြစ်ပါတယ်။
သင်္ကန်နဲ့အတူ အခြား လှူဖွယ်များကိုလဲ ဆက်ကပ်မှာပါ။
ဒါကတော့ ဆရာတော်များအတွက်ပါ
ထို့အတူ တောင်တန်းဒေသအတွက် ကထိန်ခင်းရင်းနဲ့
ဥက္ကဋ္ဌကြီးတို့အဖွဲ့က ရွာများမှာလိုအပ်တဲ့ ဆား၊ ဆေး၊ အ၀တ်အစားက အစ
ရသမျှ အလှူခံပြီး ဝေငှပါမယ်။
ဘာသာတူသည်ဖြစ်စေ မတူသည်ဖြစ်စေ
ရွာရှိလူကုန်ကို မျှတအောင်ဝေသွားမယ်လို့ သိရပါတယ်။
ဥက္ကဋ္ဌကြီးက ပြောပါတယ်
တောင်တန်းဒေသမှာ ဘာလိုလဲလို့ မမေးပါနဲ့တဲ့
အပ်ကစလို့ အရာရာလိုအပ်ပါတယ်တဲ့
ကလေးငယ်တွေဆို ကိုယ်တုံးလုံးနေလေ့ရှိပြီး အမျိုးသမီး ၁၆နှစ်အရွယ်တောင်မှ
အချို့ရွာများမှာ အပေါ်ပိုင်း အ၀တ်အစားမပါဘူးလို့ ပြောပြပါတယ်။
ရိက္ခာအဖြစ်လဲ အခြောက်အခြမ်းလှူပါဦးမယ်။
ယခု သီတင်းကျွတ်ပြီးလို့ တန်ဆောင်မုန်းလမှာ သွားရောက်လှူဒါန်းမှာ ဖြစ်ပါတယ်။
ကိုယ်တိုင် သွားရောက်လှူဒါန်းကြမယ့်
ဗုဒ္ဓဘာသာ သာသနာရေး ပြန့်ပွားရေးအသင်း ကို ဆက်သွယ်လို့ လှူဒါန်းနိုင်သလို
ကျွန်တော့်အနေနဲ့လဲ ကိုယ်တိုင်ပါဝင်မလှူနိုင်ပေမယ့်
လှူဒါန်းလိုသူများရှိပါက ကူညီလှူဒါန်း အကျိုးဆောင်ပေးနိုင်ပါကြောင်း . . . .
No comments:
Post a Comment