ပထမအကြတ်နေ့ ည ၁၁နာရီမထိုးခင်ကစလို့ မန္တလေးမှာ လေပြင်းများတိုက်ခတ်ပြီး
သင်္ကြန်မိုး ရွာသွန်းခဲ့ပါတယ်။
လေပြင်းများကြောင့် အနည်းငယ် စိတ်ညစ်သွားရသော်လည်း
သင်္ကြန်မိုးကြောင့် ပိတောက်တွေ ပွင့်တော့မှာမို့ ပျော်မိပါတယ်။
ငယ်စဉ်ကစလို့ ပိတောက်ပွင့်ရင် မနေနိုင်တော့
အခုလဲ ပိတောက်တွေပွင့်ရင် . . . . . . . . . .
ဒီကနေ့တော့ မနက်စောစောထပြီး အိမ်နားက ဥပုသ်ဇရပ်များကို
သွားပြီး မှတ်တမ်းတင်နေပါတယ်။
အတာကူးတဲ့ သင်္ကြန်ကာလအတွင်းမှာ ဥပုသ်ဇရပ်များကလည်း
စည်ကားလို့နေပါတယ်။
သီတင်းသီလဆောက်တည်သူများလည်း ပေါသလို
လည်သူ ပတ်သူ များလည်း ပေါလှပါတယ်။
အဲဒီနောက်မှာတော့ ကျုံးဘက်ကို ရောက်ခဲ့ပြီး
ကျုံးဘေးမှာ ကိုယ်ပိုင် ရေစုပ်စက်ချပြီး ရေပက်နေတဲ့ ကျုံးအနောက်ခြမ်းနဲ့
မြောက်ခြမ်းဘက်ကို ရောက်ခဲ့ပါတယ်။
ပျော်စရာပါပဲ ကိုယ့်စက်နဲ့ကိုယ် တစ်နိုင်တစ်ပိုင်ပေါ့
ပိုက် ၆ ချောင်း ၇ချောင်းနဲ့ ရေပိုက်အကြီး အပါအ၀င်
စိတ်ကြိုက်ပက်နေကြတာ ပျော်စရာပါ
ကျုံးဘေးကတော့ ပျော်သူအများပါပဲ . . .
အရင်နှစ်တွေကလို ကျုံးကြီးတစ်ပတ်လုံး ပြည့်မနေပေမယ့်
ထိုက်သင့်သလောက်တော့ စည်ကားတာပါပဲ
အစည်ကားဆုံးကတော့ မြို့တော်ဝန်မဟာသင်္ကြန်မဏ္ဍပ်၊
အယ်လ်ပိုင်း၊ တီဟုမ်း မဏ္ဍပ်များပဲ ဖြစ်ပါတယ်။
အဲဒီမဏ္ဍပ်တွေကို ကြည့်ဖို့ တစ်ညနေလုံး တန်းစီတယ်ဆိုပဲ . . .
နေလယ်ဘက်မှာတော့ တောင်သမန်ဘက်ကို ခြေလှမ်းဆန့်ခဲ့ကြပါတယ်။
တောင်သမန်ကို အသွား ကန်တော်ကြီးမှာ ရေချိုးနေကြသူတွေ
ရေပက်နေကြသူတွေ အများကြီးပါပဲ . . .
တောင်သမန်မှာလည်း စည်ကားလိုက်တာ . .
ရေထဲမှာရော ကုန်းပေါ်မှာရော တံတားပေါ်မှာရော
လူတွေ အများကြီးပါပဲ . . .
တောင်သမန်ကနေ တံတားပေါ်မ၀င်တော့ပဲ
စစ်ကိုင်းဘက်ကို ကူးခဲ့ပါတော့တယ်
စစ်ကိုင်းဘက်မှာတော့ ညနေ ၄နာရီမှ ရေစပက်တယ်ဆိုတော့
စောင့်ပြီး စစ်ကိုင်းခရိုင် ဗဟိုမဏ္ဍပ်မှာ ဖျော်ဖြေမှုများကို အားပေးခဲ့ကြပါတယ်။
စစ်ကိုင်းက အပြန်တော့ ဘုရားကြီးအနောက်မုခ်မှာ မိနစ်၂၀လောက်
လမ်းပိတ်ခံခဲ့ရပြီး အိမ်ပြန်ခဲ့ပါတော့တယ် . . .
ညပိုင်းတော့ အခု မြို့တော်ဝန်မဏ္ဍပ်ကို သွားလို့ စပ်စုလိုက်ပါဦးမယ် . . .
မနက်ဖြန်မှာတော့ ပိတောက်တွေပွင့်လေမလားလို့ မျှော်လင့်ရင်း
ပိတောက်ပွင့်တွေကို ကြိုဆိုရင်းဖြင့် . . . .
No comments:
Post a Comment