Sunday, April 13, 2008

မန္တလေးမြို့တော် မြန်မာ့ရိုးရာ ယဉ်ကျေးမှုမဟာသင်္ကြန်ပွဲတော် ဖွင့်ပွဲ ကျင်းပ

မန္တလေးမြို့တော် မြန်မာ့ရိုးရာ ယဉ်ကျေးမှုမဟာသင်္ကြန်ပွဲတော်
ဖွင့်ပွဲအခမ်းအနားကို မဟာသင်္ကြန်အကြိုနေ့ ညနေပိုင်းက
မန္တလေးမြို့တော်ဝန်မဟာသင်္ကြန်မဏ္ဍပ်မှာ ကျင်းပခဲ့ပါတယ်။
ဖွင့်ပွဲအခမ်းအနားမစတင်မီမှာ
အလယ်ပိုင်းတိုင်းစစ်ဌာနချုပ် နန်းမြို့သူရေကစားမဏ္ဍပ်ဖွင့်ပွဲကို အရင် ကျင်းပခဲ့ပါတယ်
အဲဒီနောက်မှာတော့ မန္တလေးမြို့တော်ဝန် မဟာသင်္ကြန်မဏ္ဍပ်ဖွင့်ပွဲအခမ်းအနားကို
ညနေ ၅နာရီခွဲခန့်မှာ စတင်ကျင်းပခဲ့ပါတယ်။
မဏ္ဍပ်ရှေ့မှာတော့ ကျောင်းသူလေး ၃၀၀၀က မိုးပျံပူဖောင်းများကိုင်ဆောင်လို့
နေရာယူထားကြပါတယ်။
ဦးစွာ မြို့တော်ဝန်က သင်္ကြန်ပွဲတော် ဖွင့်ပွဲနှုတ်ခွန်းဆက်စကားပြောကြားပြီးနောက်
သင်္ကြန်ပွဲတော်ကို တိုင်းမှူးနှင့်အတူ ဖဲကြိုးဖြတ်ဖွင့်လှစ်ပေးပါတယ်
ဖဲကြိုးဖြတ်ဖွင့်တာနဲ့တစ်ပြိုက်နက် ကျောင်းသူလေးများကလည်း
မိုးပျံပူဖောင်းများကို လွှတ်တင်လိုက်ကြပါတယ်။
ကောင်းကင်တစ်ခုလုံး ရောင်စုံခြယ်စေခဲ့ပါတယ်။

ကျောင်းသူလေးများနဲ့အတူ မန်းစည်ပင်ဝန်ထမ်းသမီးပျိုများက ဖွင့်ပွဲအဖြစ်
မန်းတောင်ရိပ်ခိုနဲ့ သွေးချင်းများပီပီသီချင်းများနဲ့ကပြကြပါတယ်။
အဲဒီနောက်မှာတော့ မြို့မငွေငန်းဖြူ အလှပြယာဉ်က ဦးဆောင်လို့
မန္တလေးတိုင်းခရိုင်အလိုက် အလှပြယာဉ်များက
စီတန်းလို့ ဂါရ၀ပြု ၀င်ရောက်လာကြပါတယ်။
တာဝန်ရှိသူများနဲ့အတူ ရုပ်ရှင်၊ ဂီတ သရုပ်ဆောင်များက လက်ပြလို့
မဏ္ဍပ်ပေါ်ကနေ နှုတ်ဆက်ကြပါတယ်။

ညနေ ၆နာရီကျော်ကျော်မှာပဲ ဖွင့်ပွဲအခမ်းအနားပြီးစီးတဲ့အခါ
မြို့တော်ဝန်မဟာသင်္ကြန်မဏ္ဍပ်ရဲ့ ဖျော်ဖြေမှုအစီအစဉ်များကို စတင်ခဲ့ပါတယ်။
အားပေးတဲ့ မန်းပရိသတ်ကတော့ မဏ္ဍပ်ရှေ့ အပြည့်ပါပဲ . . .

နိုင်ငံတော် ရုပ်ရှင်၊ ဂီတ သရုပ်ဆောင်များက ဖျော်ဖြေတင်ဆက်ကြတာကို
တွေ့ခဲ့ရပါတယ် . . . .

ဒါကတော့ အကြိုနေ့ မြင်ကွင်းပေါ့ဗျာ

ညနေ ၅နာရီခွဲလောက်က အယ်လ်ပိုင်း မဏ္ဍပ် ဖွင့်ပွဲကျင်းပပြီး
ဖြိုးကြီး၊ စိုးမြတ်နန္ဒာ၊ ချောစုခင် စတဲ့ အနုပညာရှင်များ ပါဝင်
ဖျော်ဖြေတယ်လို့ သိရပါတယ်။

ဒီလိုပဲ တီဟုမ်း မဏ္ဍပ်ဖွင့်ပွဲကို ညနေ ၆နာရီခွဲမှာ ကျင်းပခဲ့တယ်လို့လည်း
သိရပြန်ပါတယ် . . .
မန္တလေး သင်္ကြန်ပျော်သူများကတော့ ညနေဘက်မှာ ရေစ ပြီး ကစားနေကြတဲ့
မဏ္ဍပ်များမှာတိုးနေကြသလို
အယ်လ်ပိုင်းမဏ္ဍပ်ရှေ့မှာ ဇွဲရှိရှိ ဖျော်ဖြေမှုအစီအစဉ်များကို
စောင့်မျှော်နေကြတာကို တွေ့ခဲ့ရပါတယ်. . . .

No comments: