အဖိတ်နေ့ည ဆိုတော့ ဘုရား၊စေတီတွေ ဓမ္မာရုံတွေမှာက မီးထွန်းကြပြီလေ . . .
ဒီလိုပါပဲ အိမ်တွေမှာလဲ မီးထွန်းကြတာပေါ့ . . .
ခေတ်ကိုက လျှပ်စစ်နဲ့အဆင်ပြေနေကြတော့ လျှပ်စစ်မီးတွဲတွေ အထွန်းများတာပေါ့ဗျာ . . .
ပုံစံလှလှ မီးပုံးများကလည်း မီးလုံးများထည့်လို့ ထွန်းထားကြတယ်ဗျ . .
အရင်ကတော့ မီးပုံးထွန်းရင် ဖယောင်းတိုင်နဲ့ဆိုတော့ အပျက်အဆီးများတတ်တယ် . . .
အခုတော့ လျှပ်စစ်မီးလုံးများနဲ့ အလှဆင်ကြတာပေါ့ဗျာ . . .
ကလေးများကလည်း အရင်ကလို ကားမဆွဲကြတော့တာလားမသိ
သိပ်မတွေ့ရတော့ပါဘူး
ကျွန်တော်တို့ ငယ်ငယ်ကတော့ ကားငယ်လေးတွေ၊ ကားကြီးတွေ၊ သင်္ဘောတွေ၊ ယုန်ရုပ်လေး၊ မြင်းလှည်း၊ မီးစကြာ တစ်ယောက်တစ်မျိုးနဲ့ အပြိုင်
ကားဆွဲကြရတာပေါ့ . . .
အခုခေတ်ကလေးတွေကတော့
ဗျောက်ဖောက်တယ်၊ မီးရှူးလွှတ်တယ် . .
အခုထိ မပျောက်သေးတာကတော့
မီးသရဲဆော့တာဗျ . . .
ကျွန်တော်တို့ ငယ်ငယ်က သီတင်းကျွတ်မှာ
ဖယောင်းစုကြတယ်ဗျ
ဖယောင်းရပြီဆိုရင် ဆီမီးခွက်ထဲ ထည့်
မီးအပူပေးပြီးကြို
ပွက်လာပြီဆို မီးစာ ၃ခုလောက်ထည့်ပြီး မီးထွန်း
နောက် ရေကို လက်နဲ့ တောက်ပက်လိုက်ရင်
မီးတောက်ကြီးထရော . .
ဒါကိုမီးသရဲလုပ်တယ်ပေါ့ဗျာ . .
ကျွန်တော်တို့ဆော့တော့ အိမ်က မိဘတွေဆူတာပေါ့ဗျာ . .
ခိုးဆော့ရတာ . .
အခုတော့ ခွင့်ပြုကြသလိုပဲဗျ
တော်တော်များများဆော့ကြလေရဲ့ . .
အဖိတ်နေ့ညကတော့ ယမ်းနံ၊ ဗျောက်သံတွေနဲ့ ပေါ့ဗျာ . .
မီးပုံးပျံတစ်ချို့လဲ တွေ့တယ်ဗျ . .
ပလပ်စတစ်မီးပုံပျံတွေက လွယ်လွယ်ကူကူ ၀ယ်
လွယ်လွယ်ကူကူ လွှတ်ဆိုတော့ အများကြီးပေါ့ဗျာ . . .
ကောင်းကင်မှာ လင်းလက်နေကြလေရဲ့ . . .
ဒီကနေ့ လပြည့်နေ့မှာတော့ . . . မန္တလေးက စည်းကားနေဦးမယ်ထင်ပါ့ဗျာ . . .
No comments:
Post a Comment