Saturday, October 27, 2007

သီတင်းကျွတ်လပြည့်ည စိတ္တသုခတို့ အောင်တော်မူဘုရားဆီမီးပူဇော်

သီတင်းကျွတ်ည မန္တလေးညချမ်းကတော့ မိုးရွာမယ်ထင်ခဲ့ပေမယ့် အေးအေးချမ်းချမ်း သာသာယာယာပါပဲ . .

ညနေ ငါးနာရီလောက်မှာ အောင်တော်မူဘုရားကို ရောက်ခဲ့ပါတယ် . . .

ဘုရားမှာ ဆီမီးထွန်းတဲ့ အဖွဲ့ လေး၊ငါးဖွဲ့ရှိကြပါတယ် . . .

ကျွန်တော်တို့ စိတ္တသုခလူငယ်များကတော့ နေ့လယ်ပိုင်းကစပြီး ပုံဆွဲတာ ၊ ဆီမီးခွက်စီတာ
ဖယောင်းတိုင်စိုက်တာ အားလုံးလုပ်နေကြတာဗျ . . .

ကျွန်တော်တို့ရောက်တော့ အားလုံးပုံပေါ်နေပြီ
ဖယောင်းတိုင်လဲစိုက်ပြီးပြီ . .

ပုံဖော်ထားတာက
ထိပ်မှာ ဇီးကွက်ရုပ်
နောက် သတ္တ၀ါအပေါင်းစိတ်ချမ်းသာဖို့ ကူညီကြပါစို့ ဆိုတဲ့ စာသား
နောက် ကျွန်တော်တို့ရဲ့ စိတ္တသုခ လိုဂို (မြန်မာနိုင်ငံ တစ်ဝန်းကို ဆီမီးအရောင်နဲ့ လွှမ်းခြုံထားတဲ့ ပုံလေးပေါ့)
နောက်
ဆီမီးခွက်ထဲမှာ ဆီမီးထွန်းထားပုံ
စိတ္တသုခဆိုတဲ့ စာ
အဲလိုပေါ့ဗျာ

ကျွန်တော်တို့အားလုံး လူလေးဆယ်လောက်ရှိမယ်ဗျ
အများကြီးပဲ
ဆင်တူ ၀တ်စုံနဲ့ဆိုတော့ အားလုံးကကြည့်ကြတာပေါ့ဗျာ . . .

ညနေ ၆နာရီခွဲမှာတော့ ကျွန်တော်တို့ ဆီမီး စတင်ထွန်းဖြစ်ပါတယ် . . .
စိတ္တသုခက လူငယ်တွေ၊ အလှူရှင်တွေ၊ ဘုရားဖူးပရိသတ်တွေ စုံလို့ပေါ့
သိတဲ့သူရော မသိတဲ့သူတွေရော
အားလုံး ဆီမီးဝိုင်းထွန်းကြတာပေါ့ . .
ကျွန်တော်တို့  ၊ ဆြာဘတို့ကတော့ ကင်မရာတကားကားနဲ့ပေါ့
ဟိုရိုက်ဒီရိုက်

ဗီဒီယိုကလည်းရိုက်သေးတာဆိုတော့
မီးထွန်းပြီးတော့ လူတွေ ဘေးကို ထွက်ပြီး
ဓာတ်ပုံမှတ်တမ်းတင်ကြတာပေါ့ဗျာ . .

ပျော်စရာကြီးပဲဗျာ .  . .
အားလုံး ပျော်ပျော်ပါးပါးပါပဲ . .
မုန့်ဝယ်လာတဲ့သူက လာတဲ့သူတွေကို မုန့်လိုက်ကျွေးလို့ပေါ့ 
ကလေး၊ လူကြီး၊ လူငယ်မရွေး ပျော်ရွှင်စွာ ဆီမီးပူဇော်ကြတဲ့ သီတင်းကျွတ်ညလေးပါပဲ . . .

စိတ်ညစ်စရာများကြားက ပျော်ရွှင်ခဲ့ရတဲ့ အမှတ်တရ လပြည့်ညတစ်ခုပါပဲ . .


No comments: